Aksar log apni kundali dekhkar darr jaate hain jab unhe pata chalta hai ki unka koi grah ‘Neech’ hai. Aise bahut Log sochte hain ki ab toh bura fal hi milega. Lekin kya aapne kabhi socha hai ki duniya ke kai safal neta /raajneta aur superstar ki kundali mein bhi grah neech ke hote hain? Seedhi si baat hai—aapne dekha hi hoga ki Amitabh Bachchan ji ya Narendra Modi ji jaise bade vyaktitv ki life mein bhi shuruati struggle raha hai, lekin unki asadharan safalta umar badhte hi sabke samne saaf dikhne lagi.”
Sach toh ye hai ki Vedic Jyotish mein ek bahut bada raaz chhupa hai… jise hum Neechbhanga Rajyog Rules kehte hain. Iska matlab hai ki agar kisi kamzor grah ki ‘neechta’ khatam ho jaye, toh wahi grah aapko zero se hero bana sakta hai.
Aasan Bhasha Mein jaane Neechbhanga Rajyog Kya Hai?
Jyotish mein “Neech” ka matlab hai ki grah apni sabse kamzor sthiti mein hai. Lekin jab kuch vishesh dashaon ki wajah se uski ye kamzori door ho jati hai, toh use “Neechbhanga” kehte hain. Tab yh Neech ka grah tezi se kaam karta hai, toh ye kisi ‘Rajyog’ se kam nahi hota.
Maine apne 15+ saal ke anubhav mein dekha hai ki aise log apne shuruati jeevan mein bahut sangharsh (struggle) karte hain, lekin baad mein wahi sangharsh unki asadharan safalta ki buniyaad banta hai.
Agar aap kundli me banne wale sabhi shaktishali yog ke baare me detail me samajhna chahte hain, to hamari
Most Important Yoga category zarur dekhein.
Neechbhanga Rajyog Rules: Kaise Jaanein Ki Aapka Rajyog Ban Raha Hai?
Yahan kuch mukhya niyam diye gaye hain, jo maine apne practical experience aur shastron (Brihat Parashara Hora Shastra) se sikhe hain:
-
Neechpati ka Kendra mein Hona: Jis rashi mein grah neech ka hai, agar us rashi ka swami (Lord) Lagn ya Chandra se Kendra (1, 4, 7, 10) bhav mein baitha ho, toh neechta bhang ho jati hai. Ye Career Astrology mein kamaal ka badlav lata hai.
-
Uccha ka Swami: Agar neech grah ki rashi ka swami kahin bhi Uccha hokar baitha ho, toh wo us kamzor grah ko “Back support” deta hai aur use balwan bana deta hai.
-
Vakri Grah ka Chamatkar: Kai baar dekha gaya hai ki agar koi neech ka grah Vakri ho jaye, toh wo ‘Uccha’ jaisa fal dene lagta hai, khaas karke agar wo Kendra ya Trikon mein ho.
-
Ek se Zyada Neech Grah : Agar kundali mein kai grah neech ke hain, lekin kisi ek ka bhi Neechbhanga ho raha ho, toh baki grahon ki kamzori bhi dhire-dhire kam hone lagti hai.
-
Navamsha (D9) ka Bal: Bahut se log sirf Janm Kundali (D1) dekhte hain. Lekin agar grah wahan neech ka hai aur Navamsha mein Uccha ya Swagruhi hai, toh samajh lijiye ki aapki kismat ka darwaza der se hi sahi, par khulega zaroor.
-
Uccha Grah ki Drishti: Agar neech grah ke saath koi Uccha ka grah baitha ho ya use dekh raha ho, toh usse grah ko naya jeevan milta hai.
“Zara ye bhi dekhiye:” Kya aap jaante hain ki Chandra aur Mangal ka sanyog vyakti ko ‘Laxmi Yog’ deta hai? Iske baare mein yahan padhein: [Chandra aur Mangal ke Vishesh Sanyog]
Practical Example Se Samjhein
-
Udaharan 1: Dhanu Lagn ki kundali mein Guru (Jupiter) doosre bhav mein neech ka hai. Lekin agar Shani (Saturn) 11th house mein Uccha ka hai, toh aisa vyakti shuruat mein paison ke liye bhatkega par baad mein bahut bada empire khada karega.
-
Udaharan 2: Dhanu Lagn mein hi agar Shukra (Venus) 10th house mein neech ka ho, par uske saath Budh (Mercury) Uccha ka hokar baith jaye, toh ye ek zabardast Rajyog hai. Aisa vyakti career mein bahut bada naam kamata hai.
“Special Link:” Kai baar grah neech ke hote hain par lagn ka ‘Dhan Yog’ itna mazboot hota hai ki struggle turant khatam ho jata hai. Apna Dhan Yog yahan check karein: [Lagna Anusar Dhan Yog: 12 Lagnon ka Sampoorna Vishleshan]
Kab Milta Hai Iska Fal?
Neechbhanga Rajyog turant result nahi deta. Iska asar aksar 30 se 36 varsh ki umar ke baad dikhta hai. Jab us grah ki Dasha ya Antardasha aati hai, tab vyakti ko achanak bade avsar (opportunities), sarkari samman ya uuncha pad milta hai.
Aksar Pooche Jaane Wale Sawal
Q1. Kya har neech grah Rajyog banata hai? Nahi. Sirf neech hona kaafi nahi hai. Upar diye gaye rules mein se kisi ek ka hona zaroori hai tabhi wo ‘Neechbhanga’ kehlayega.
Q2. Kya iska fal hamesha milta hai? Iska sabse zyada asar us grah ki Dasha ya Antardasha mein dikhta hai. Gochar (Transit) bhi isme badi bhumika nibhata hai.
Q3. Kya Navamsha check karna zaroori hai? Ji haan! Bina Navamsha (D9) analysis ke kisi bhi grah ke baare mein antim rai banana galat hai.
Q4. Kya bina lagna analysis ke decision le sakte hain? Bilkul nahi. Puri kundali ka ek saath adhyayan karna hi sahi tarika hai.
Nishkarsh :
Jyotish Vidya mein koi bhi sthiti ‘Final’ nahi hoti. Ek neech ka grah bhi aapko wo sab kuch de sakta hai jo aapne sapne mein dekha ho, bas sahi analysis ki zaroorat hai.
Dhyan Rakhe “Astrology results individual kundali par depend karte hain.”
Agar aap apni personal kundali ka sahi vishleshan karwana chahte hain aur jaanna chahte hain ki aapka Rajyog kab shuru hoga, toh aap mujhse sampark kar sakte hain.
Acharya Pradip Kumar (Vedic Astrologer & Tantra Expert)
Mob: +91- 9438741641 (Call/Whatsapp)
15+ Years of Practical Experience
