Rajyog ka Mahatva: Kya Kundali ka Rajyog Sach Mein Kismat Badalta Hai?
Agar aap apni kundali dekh rahe hain aur Rajyog in Kundli in Hindi ke baare mein sahi jankari chahte hain, toh ye lekh aapke liye hai. “Aaj kal har dusra insan kundali kholte hi ek hi sawal karta hai—’Maharaj, Rajyog kab phal dega?” Lekin dosto, Rajyog ka mahatva sirf dikhawe mein nahi balki uske jagrit hone ke sahi samay mein chhupa hai.” Seedhi si baat hai— Rajyog ek ‘Bij’ (Seed) hai, agar use mehnat aur sahi waqt ka paani nahi mila, toh wo mitti mein hi daba reh jayega.
Maine pichle 15+ saalon mein dekha hai ki log Rajyog ke naam par hath par hath dharkar baith jaate hain. Chaliye aaj Rajyog ka wo asli sach jaante hain jo koi software ya kitabi gyan nahi batayega.
Agar aap kundli me banne wale sabhi shaktishali yog ke baare me detail me samajhna chahte hain, to hamari
Most Important Yoga category zarur dekhein.
1. Rajyog ka Mahatva aur Sangharsh ka Gehra Rishta
Neechbhanga Rajyog jaise shaktishali rajyog ke fayde tabhi milte hain jab insan kathin paristhitiyon se tap kar nikalta hai. Log sochte hain Rajyog matlab ‘Aish-o-Aaram’. Par dosto, sach toh ye hai ki Neechbhanga Rajyog jaisi sthitiyaan pehle insan ko ragadti hain, use zero par laati hain, aur phir use hero banati hain.
-
Experience ki Baat: Maine aisi kundaliyan dekhi hain jahan 30-32 saal tak vyakti ne ek-ek paise ke liye sangharsh kiya, par jaise hi Rajyog ki dasha aayi, usne poore shehar par raaj kiya.
-
Sachai: Agar aapki life mein abhi struggle chal raha hai aur kundali mein Rajyog hai, toh darna mat—samajh lijiye ye “Rajyog ki Training” chal rahi hai.
“Ek Jaruri Raaz:” Bahut se log neech grah dekh kar darr jaate hain, par wo ye nahi jaante ki wahi grah kismat palatne ki takat rakhta hai. Agar aap bhi dekhna chahte hain ki aapka neech grah Rajyog bana raha hai ya nahi, toh ye rules zaroor padhein: [Neechbhanga Rajyog Rules: Puri Jankari, Niyam aur Fal]
2. Panchmahapurush Yog
Panchmahapurush yog (Ruchak, Bhadra, Hans, Malavya, Shash) tabhi kaam karte hain jab Grah mein ‘Dum’ ho, sirf baithne se kuch nahi hota.
-
Ruchak Yog (Mangal): Ye sirf police ya fauj nahi deta. Ye wo “Jigar” deta hai jo mushkil se mushkil kaam ko chutkiyon mein kar de. Agar aap darpok hain, toh samajh lijiye aapka Ruchak yog soya hua hai.
-
Shash Yog (Shani): Shani ka ye yog insan ko “Zameen ka neta” banata hai. Atal Bihari Vajpayee ji ya Narendra Modi ji ki tarah, ye yog pehle dhairya (patience) ki pariksha leta hai, phir bulandi par baithata hai.
-
Malavya Yog (Shukra): Iska matlab sirf car aur bangla nahi hai. Iska matlab hai wo ‘Chumbakiya Vyaktitv’ (Magnetic Personality) ki log aapki ek jhalak ke liye tarsein.
3. Kundali mein Rajyog hone ke baad bhi phal kyun nahi milta?
Sabse bada raaz yahi hai ki Rajyog kab phal deta hai—ye puri tarah aapke grahon ki dasha aur unke bal par nirbhar karta hai. Kayi baar kundali mein Rajyog dikhta hai par milta kuch nahi. Kyun?
-
Grah ka Bal: Grah ‘Mrit’ (dead) ya ‘Asta’ (combust) ho toh wo Rajyog sirf kagaz par hi rahega.
-
Lagna ka Kamzor Hona: Driver hi kamzor hai toh Mercedes Gaadi bhi khadi rahegi. Aapka Lagna hi aapki asli shakti hai.
-
Dasha-Bhukti ka Khel: Sabse bada raaz yahi hai. Rajyog ka phal tabhi milta hai jab grahon ki dasha aur gochar aapke anukul ho. Agar dasha 80 saal ki umar mein aayi, toh wo kis kaam ki?
“Kismat ka Connection:” Rajyog hona ek baat hai, par kundali mein ‘Paisa’ rukega ya nahi, ye Karodpati yog tai karta hai. Kya aapne kabhi check kiya ki aapki kundali amir banne ka sanket de rahi hai? Yahan dekhiye: [Karodpati Yog Kundli: Kya aapki kismat mein hai amir banne ka sanket?]
4. Real Life Case Study: Shani ki Cleaning aur Rajyog ka Asar
Mere paas ek client aaye the jinka sabkuch bik gaya tha. Wo poori tarah toot chuke the. Maine unki kundali dekhi aur kaha—”Thoda sabr rakho, ye 12th house ke Shani ki ‘Cleaning’ chal rahi hai”. June 2020 se Feb 2025 tak unhone bhayankar mansik dushchinta jheli, Jab Shani ki cleaning khatam hui, tab unki kundali mein dhan yog ne kaam karna shuru kiya aur wo karodon mein khelne lage.
(Rajyog hamesha “Red Carpet” bichakar nahi aata, kabhi-kabhi dhakke khilakar asli rasta dikhata hai.)
5. Rajyog ko ‘Jagrit’ Kaise Karein? (Acharya Tips)
Agar kundali mein yog hai par phal nahi mil raha, toh:
-
Mantra aur Sadhana: Us grah ki urja ko jagao. Bhairav Sadhana aur Kali Sadhana neech grahon ke zeher ko bhi amrit mein badal sakti hain.
-
Karmic Connection: Shani ka yog hai toh gareebon ki madad karo. Shukra ka hai toh mahilaon ka samman karo.
-
Sahi Paramarsh: Kisi aise expert se milein jo aapko ‘Darr’ nahi, balki ‘Rasta’ dikhaye.
Aapka Sawaal ka Jawab –
-
Q: Kya Rajyog hone se main amir ban jaunga?
-
A: Rajyog aapko ‘Mauka’ deta hai. Agar mauke par chauka nahi mara, toh Rajyog sirf kundali ki photo ban kar reh jayega.
-
Q: Kya ratna (Gemstone) pehan kar Rajyog mil jayega?
-
A: Ratna sirf battery charge karta hai, engine nahi badalta. Engine toh aapki ‘Dasha’ aur ‘Karma’ hi hai.
-
Q: Kya har neech grah Rajyog banata hai?
-
A: Bilkul nahi! Sirf tab jab uska ‘Neechbhanga’ ho raha ho. Bina check kiye khush na hon.
Nishkarsh:
“Dosto, Rajyog ka mahatva tabhi hai jab aap sahi samay par sahi kadam uthayein.”
Rajyog ka Mahatva sirf raja banna nahi, balki apni field ka ‘Master’ banna hai. Jyotish vidya koi jaadu nahi, balki waqt ki aahat ko samajhne ka science hai. Agar aap jaanna chahte hain ki aapki kundali ka Rajyog ‘Soya’ hai ya ‘Jaag’ gaya hai, toh aaj hi sahi vishleshan karwayein.
Acharya Pradip Kumar (Vedic Astrologer & Tantra Expert)
15+ Years of Practical Experience
Mob: +91-9438741641 (Call/Whatsapp)
