Vipreet Rajyog Kundli: Kya Aapki Barbaadi Mein Hi Aapki “Abaadi” Chupi Hai?
“Dosto, kya aapne kabhi dekha hai ki kisi bande ka sab kuch lut gaya, dushmanon ne gher liya, lekin achanak kuch aisa hua ki wo raaton-raat zero se hero ban gaya? Log kehte hain kismat hai, par bhai, maine apne 15+ saalon ke anubhav mein dekha hai ki ye asliyat mein Vipreet Rajyog Kundli ka khel hota hai. Jab duniya aapko mra hua samajh leti hai, tabhi ye yog aapko satta ki kursi dila deta hai.
Vipreet Rajyog Kundli Asal Mein Hai Kya?
Seedhi bhasha mein samjho—jab dukh se sukh nikal kar aaye, toh wo Vipreet Rajyog hai. Jyotish mein 6th (bimari/dushman), 8th (mrityu/kasht) aur 12th (kharch/jail) gharon ko “Khadda” mana jata hai. Lekin jab in “Gaddhon” ke maalik hi aapas mein mil jayein, toh wo khadda nahi, balki aapki safalta ki buniyaad ban jate hain.
Mera Formula: Jaise minus (-) aur minus (-) milkar plus (+) ho jate hain, waise hi do bure ghar milkar ek jabardast “Vipreet Rajyog” bana dete hain.
Agar aap kundli me banne wale sabhi shaktishali yog ke baare me detail me samajhna chahte hain, to hamari Most Important Yoga category zarur dekhein.
Vipreet Rajyog Kundli Banta Kaise Hai? (Check Karein)
Jyotish ke kitabi keede ulajhte rahenge, par aap ye simple dhang se dekho:
-
Harsha Yog: 6th ka maalik 6th, 8th ya 12th mein ho. (Dushmanon ka nash!)
-
Sarala Yog: 8th ka maalik 6th, 8th ya 12th mein ho. (Musibat mein bhi fayda!)
-
Vimala Yog: 12th ka maalik 6th, 8th ya 12th mein ho. (Kharch kam, izzat zyada!)
Sarkari Naukri aur Power ka Raaz: Agar aap neta banna chahte hain, toh ye yog aapke liye vardaan hai. Kyun? Jaaniye yahan: [Rajneta Yog Kundli: Kya Aapki Kismat Mein Kursi Hai Ya Sirf Jhanda Uthana Likha Hai?]
Mera Practical Anubhav: Jab Shani ne Palat Di Baazi
Dosto, ek asli case batata hoon. Ek vyakti Punjab se tha, unka kundli ka deeply analysis ke baad pata chala Feb 2018 se jun 2025 tak bhayankar karze aur mansik chinta mein tha. Usse lag raha tha sab khatam ho gaya. Lekin uski kundali mein 8th house ka swami 12th mein baitha tha—vahi Vipreet Rajyog Kundli taiyar thi.
Maine usse kaha—”Bhai, thoda ruk ja, July 2025 aane de, Shani teri kismat palat dega”. Aur wahi hua! Uska dushman hi uska partner ban gaya. Ab wo Shipping Corporation Company ka Management Section sambhaal rahe hain.
Vipreet Rajyog Kundli Ke 4 “Shocking” Fayde
-
1. Dushmanon ki ‘Chutti’: Aapke dushman jitni koshish karenge aapko girane ki, aap utna hi upar uthenge.
-
2. Achanak Dhan aur Kursi: Vipreet Rajyog aadmi ko itne jald safalata nhi deta hai , wo pehele test leta hai , Or test ki baad jabardast safalta dilata hai .
-
3. Iron Man Jaisa Confidence: Jo banda narak dekh chuka ho, use kisi se darr nahi lagta. Ye yog aapko lohe jaisa mazboot bana deta hai.
-
4. Badi Jeet ka Shortcut: P.V. Narasimha Rao aur Naveen Patnaik jaise Netaon ki kundali mein bhi iska asar dikha hai. Ek Kadwa Sach: Kya aapke paas yog hai par paisa nahi? Log aksar confusion mein jeete hain. Asliyat jaaniye: [Kundali mein Rajyog hai par jeb khali Kyun? Jaaniye Rajyog ka Mahatva aur iske jagrit hone ka asli sach!]
Savdhani: Kahin Aapka Yog “Koi Kaam Toh Nahi?
Dosto, ye yog tabhi kaam karta hai jab aapka Lagn (Self) mazboot ho. Agar aapka lagn hi kamzor hai, toh musibat aapko daba degi, uthne ka mauka nahi degi. Iska poora vishleshan Bṛihat Parasara Horasastra jaise jyotish granthon mein milta hai. (Shaastron ki gehrai ko samajhne ke liye aap Vipreet Rajyog in astrology section dekh sakte ho )
Netaon aur Vyapariyon ke Manpasand Sawaal
-
Q: Kya Vipreet Rajyog hamesha 100% kamyabi deta hai?
-
A: Nahi bhai! Pehle sangharsh (struggle) karna padta hai. Bina ruye makkhan nahi nikalta.
-
-
Q: Iska asar kab dikhta hai?
-
A: Jab in 6, 8, 12 gharon ke maalik ki Mahadasha ya Antardasha aati hai.
-
-
Q: Kya isse achanak lottery lag sakti hai?
-
A: Lottery ka toh pata nahi, par “Doobte ko tinke ka sahara” zaroor mil jata hai.
-
Nishkarsh
Vipreet Rajyog Kundli ye dikhati hai ki andheri raat ke baad hi suraj nikalta hai. Agar aapka bura waqt chal raha hai, toh ho sakta hai bhagwan aapke liye koi bada “Vipreet Rajyog” taiyar kar raha ho.
Agar aap jaanna chahte hain ki aapki musibat kab safalta mein badlegi, toh aaj hi sateek vishleshan karwayein.
Acharya Pradip Kumar (Vedic Astrologer & Tantra Expert)
Mob: +91-9438741641 (Call/Whatsapp)
