Polio Yog Kundli Ka Sach: Bacchon Mein Bimari Ke Karan Aur Iska Sateek Vedic Upay
Namaskar Dosto! Swagat hai aap sabhi ka aapke apne Mystic Shiva Astrology manch par. Dosto, mata-pita ke liye unka bacha hi unki sabse badi duniya hota hai. Lekin jab us nanhi si jaan par kisi bhayankar bimari ka saya padta hai, toh poore parivar ke rongte khade ho jate hain. Aisi hi ek bhayankar aur darr paida karne wali bimari hai—”Polio”.
Aaj hum baith kar samjhenge ki medical vigyan ke sath-sath, hamare prachin jyotish shastra mein Polio Yog Kundli kaise banta hai, aur grahon ki wo kaun si kharab chaal hai jo ek haste-khelte bache ko jeevan bhar ke liye viklang (Handicap) bana sakti hai.
Polio: Ek Bhayankar Sankraman
Sabse pehle jo sachai hai usko samajhna zaroori hai. Polio bacchon mein hone wala ek atyant bhayankar rog hai. Is rog mein bimari ke jeevanu (Virus) sidhe bache ki reedh ki haddi (Spine) par sankraman (Infection) karte hain. Iska nateeja yeh hota hai ki bache ka koi bhi ang nishkriya (Paralyzed) ho jata hai aur haddiyan sukhne lagti hain, jisse haddi ka aakar puri tarah bigad jata hai. Yeh ek vayu sankramit rog hai.
Lekin dosto, ghabrane ki baat nahi hai! Sampoorn vishwa mein chalaye ja rahe “Polio Unmulan Abhiyan” (Polio Eradication Campaigns) ke tahat is rog par kaafi hadd tak ankush lagaya gaya hai. Ek jyotishi hone ke naate sabhi mata-pita ko yeh sakht salah hai ki apne bache ko Polio pratirakshyikaran teeke (Vaccination/Polio Drops) samay par zaroor lagwayein. Agar teeka lag gaya, toh is bimari ka khatra lagbhag khatam ho jata hai.
Polio Yog Kundli Kaise Banta Hai?
Ab aate hain apne jyotish shastra par. Aakhir birth chart me Polia yog kaise dekha jata hai? Har bimari ka connection kisi na kisi grah se hota hai.
Vedic astrology ke anusaar, Polio jaisi haddiyon aur snayu tantra (Nervous system) ko sukhane wali bimari ka mukhya karak grah Shani (Saturn) ko mana gaya hai. Jab shani rahu ka prabhav aur anya paap grah eksath milte hain, toh bache ki kundli mein yeh bhayankar dosh create ho jata hai. Ab aap Dhyan se suniye, yeh yog kab banta hai:
-
Lagna Ka Khel: Agar bache ki kundli ke lagna bhav mein Makar (Capricorn) athava Kumbh (Aquarius) rashi udit ho rahi ho.
-
Chandrama Par Grahan: Agar bache ke Chandrama (Moon) par Shani ke saath teen-chaar anya paap grahon ki drishti ek sath pad rahi ho, toh Polio Yog Kundli ka nirmaan hota hai.
-
Kamjor Grah: Grahon ki chaal aur bimari ka sidha rishta hai. Agar kundli mein Shani, Rahu, Ketu aur Chandrama behad kamjor (Weak) sthiti mein baithe hon, toh bache ko Polio ya snayu rog (Nervous system disease) hone ka sabse zyada khatra rehta hai. Yeh health astrology prediction ka ek bada niyam hai.
Mere Anubhav Ki Baat :
Aapko apne jyotish me rog vichar ka ek asli anubhav batata hoon. Pichle saal hamara gaon se ek parivar bhari tension mein mere paas aaye the . Unka 2 saal ka beta, Aryan, chalne mein ladkhada raha tha aur uske baayein (Left) paer ki haddi mein achanak se kamjori aa rahi thi. Doctors checkup kar rahe the, par unhe samajh nahi aa raha tha ki weakness itni jaldi kyun badh rahi hai.
Jab unhone rote hue Aryan ki kundli mere samne rakhi, toh maine dekha ki Aryan ka Lagna Kundli dekhe to Kumbh lagn tha aur uske Chandrama par Shani aur Ketu ki drishti thi. Yeh bilkul spasht Polio Yog Kundli ka sanket tha!
Maine unhe turant doctor se dubara strong medical checkup aur Polio drops ki janch karwane ko kaha (kyunki medical astrology hamesha Dawai aur Dua dono ko sath lekar chalti hai). Sath hi, maine unhe Shani-Rahu shanti ka kuchh upay kar waya .
Bajrangbali aur Maa Kamakhya ki aisi kripa hui dosto, ki 2 mahine ke andar Aryan ke paer ki weakness theek hone lagi. Medical treatment aur hamare sateek jyotish upay dono ne milkar us bache ki aage ki zindagi viklang hone se bacha liya!
Dosto, chahe Polio ho ya koi aur bhayankar bimari, kai baar mehangi se mehangi dawai bhi asar karna band kar deti hai. Aise samay mein Bajrangbali ka ek gupt shabar mantra Sanjeevani booti ki tarah kaam karta hai. Is 100% sateek tantrik ilaj ko yahan janein: [Rog Shanti Mantra: Doctor Fail Ho Jaye Toh Aajmayein Hanuman Ji Ka Ye 100% Sateek Tantrik Ilaj!]
Polio Yog Shanti Ke Liye Sateek Jyotishiya Upay
Agar kisi bache ki kundli mein yeh dosh dikh raha hai, athava haddiyon mein kamjori aa rahi hai, toh turant yeh upay dharan karwayein:
-
Gale Ka Locket: Bache ko Neelam, Lajwart ya Indraneel Sphatik ka locket banwa kar kisi shubh muhurat mein gale mein pehnayein. Yeh uske nervous system ko urja dega. Me sirf yah jankari keliye diya hun ,Bt dhyan dena aajkal ke market aapko lootne keliye sab baithe hain . Certificate ko dikhakar Duplicate Stone ya phir low Quality ki stone sale karte hain . So, aap careful rahiye . Kisi Astrologer ki baat par naa aakar aap direct Vedic upay follow kar sakte ho . Jo ek aam janta ghar baithkar kar sakta hai.
-
Pukhraj Ka Chamatkar: Devguru Brihaspati ka ashirwad paane ke liye, bache ke haath ki choti ungli (Little Finger) mein Pukhraj ki ek choti si anguthi banwa kar dharan karwa sakte hain. Yeh bacchon ke swasthya ki jyotish mein ek protective shield (kavach) ka kaam karta hai.
Polio Yog Kundli Par Sawal Jawab
1: Acharya ji, Polio Yog Kundli mein hone par kya sirf jyotish upay se bacha ja sakta hai?
Ans: Bilkul nahi bhai! Main hamesha kehta hoon ki sabse pehle bache ko samay par Polio ki dawai (Drops/Teeka) pilana bahut zaroori hai. Medical vigyan apna kaam karega aur jyotish upay us bache ke aas-paas ka aabhamandal (Aura) mazboot karenge taki koi serious case naa ho.
2: Agar bache ka Chandrama kamjor ho, toh kya use hamesha haddiyon ki bimari hogi?
Ans: Hamesha nahi, par risk zaroor rehta hai. Chandrama kamjor hone se bache ki ‘Immunity’ weak ho jati hai. Us par agar paap grahon ki drishti ho, tab polio jaise bimari dikhne ko milta hai. Isliye bachpan mein hi kundli vishleshan zaroor karwayein.
3: Lajwart ya Pukhraj bache ko dharan karwane ka sahi din kaun sa hota hai?
Ans: Lajwart aap shaniwaar (Saturday) ko aur Pukhraj Guruwaar (Thursday) ko Ganga jal aur kachhe doodh se abhimantrit karke hi pehnayein. Tabhi yeh stone apna 100% asar dikhata hai. Meri hisab se koi bhi Asli Orginal stone agar hoga to , agar sahi niyam se stone ka puja vidhi karke dharan kiya jaaye to 30 to 40% result deta hai janha mantra shakti aadmi ko 70% to 80% tak result deta hai . Esa koi upay nhi jo Vidhi ka niyam ko Palat sakta hai . Agar wo hai to sirf Mahakaal hi kar sakte hai .
Agar aap swasthya sambandhit samasyaon ka jyotishiya ya tantrik samadhan dhoond rahe hain, to hamari Health Issues Category me diye gaye anya upay, mantra aur sadhana bhi jarur padhein, jahan vibhinna rogon ke satik aur prabhavshali samadhan bataye gaye hain.
Jyotishacharya Pradip Kumar (15+ saal ka Vedic Astrology aur Tantra Anubhav)
Har samasya ka sthayi aur 100% samadhan ke liye aaj hi sampark karein: (Mo.) +91-9438741641 {Call / Whatsapp}
